لیک: ډاکټر اریک اوبلاکر
ژباړه: فهیم سپینغر
په اتومي بم او هستوي بټیو کې کتله په انرژي اوړي. یعنې د یورانیم یوه درنه
هسته د یوې وړې ذرې (نیوترون) په مرسته بمبار کیږي. د یورانیم هسته په دې توګه
ماتیږي او په دوو نیمهدرنو هستو اوړي. په دې لړ کې نوي نیوترونونه هم منځته راځي
او دغه نوي منځته راغلي نیوترونونه د یورانیم نورې هستې بمباروي او ماتوي یې.
په دغه پروسه کې مهمه خبره دا ده چې د ټکر په پایله کې چې کومې نوې هستې او
ذرې منځته راځي، د لومړۍ هستې او لومړي نیوترون په پرتله کمه کتله لري. یعنې لکه د
لمر په مرکز کې چې څرنګه کتله له منځه ځي په هماغه ډول په دغه پروسه کې هم کتله له
منځه ځي. له منځه تللې کتله د انشټین د (E=mc2) معادلې په اساس په زیاته انرژي اوړي.
په اتومي بم کې دغه پروسه د انفجار په توګه منځته راځي او د یوه زنځیري عکسالعمل
په لړ کې ډېرې هستې یو له بل پسې ماتیږي؛ خو په اتومي بټیو کې د یورانیم هستې په
ټاکلې اندازه او د اړتیا سره سم ماتیږي او په انرژي اوړي. نتیجتاً ویلی شو چې په
اتومي بم او هستوي بټیو کې کتله، د انشټین د معادلې (E=mc2) په اساس په انرژي اوړي.
ژباړن: د بم انجنیرۍ کې انشټین نقش نه درلود. یوازې د یوه نظري فزیکپوه په توګه یې په انرژي د کتلې اوښتلو ارتباط بیان کړ.
نظرات
ارسال یک نظر