نېل ډیګراس ټایسن امریکايی
ستورفزیکپوه، کیهانپوه، سیارهيي ساینسپوه، لیکوال او ساینس عامونکی دی. ټایسن د
کارل سیګن مستقیم شاګرد او د سیګن د مکتب لاروی دی. په هاروارډ، تیکزاس او کولمبیا
پوهنتونونو کې یې زده کړې کړي. په نیویارک ښار کې د هایډِن پلانټریم رئیس دی. سر
بېره پر دې د پلانټري سوسایټي رئیس، مرستیال او د بورډ مشر هم پاتې شوی. ټایسن
رسنیزه څېره ده. په پيبيایس تلویزیون کې یې د «نووا» پنامه خپرونه درلودله، د
ستارټاک پنامه اونیزه پاډکاسټ خپرونه یې پرمخ بووله او په نشنلجیوګرافي تلویزیون
کې د کازموس پنامه د نړۍ تر ټولو زیاته جالبه علمي خپرونې کوربه و. د یادونې وړ ده
چې د کازموس خپرونې لومړۍ فصل ډېر مخکې په دیارلسو برخو کې ثبت او خپور شوی و،
دویم فصل یې څه موده مخکې ثبت او خپور شو. په نچرلهسټري مجله کې کالم لیکونکی او
د دې ترڅنګ د ډېرو مشهورو کتابونو لیکوال دی. په ۲۰۰۶ کال کې یې وویل چې پلوتو
سیاره نه ده او باید د لنډیوسیارو (Dwarf
Planet) په ډله کې
راوستل شي؛ د ستورپوهنې نړیوالې ادارې (IAU) د پلوتو په
هکله د ټایسن ارزونې تائید کړې. په ۲۰۰۱ کې د ستورپوهنې نړیوالې ادارې 1994KA آسمانيتيږه د ټایسن پنامه یعنې 13123Tyson ونوموله. تر لسو ډېرو نړیوالو پوهنتونونو د ده د هڅو په ویاړ افتخاري
ډاکټري ورکړې. ټایسن په دین نا باوره فزیکپوه دی. واده یې کړی دوه اولادونه لري.
ده خپله مېرمن د لومړي ځل لپاره په فزیک ټولګي کې لیدلې وه.
نظرات
ارسال یک نظر