لیک: ډاکټر اریک اوبلاکر
ژباړه: فهیم سپینغر
ستوري په یوه اندازه په کیهان کې
خپاره نه دي. ستوري په فضا کې سترې کورنۍ چې د کهکشان پنامه یادیږي جوړوي. مثلاً
لمر زموږ د کهکشان(شیدولار کهکشان) له ۲۰۰ میلیارده ستورو څخه یو ستوری دی. د
شیدولار کهکشان سره له دې چې ډېر ستر دی، خو بیا هم یو منځنی او عادي کهکشان ګڼل
کیږي.
داسې کهکشانونه هم شته چې څو زره
میلیارده لمرونه(ستوري) لري. ځینې کهکشانونه بیا یوازې څو میلیارده ستوري لري.
کهکشانونه بیلابیل شکلونه لري. تر ټولو عام شکلونه یې مارپیچي، میلهيي او بیضوي
دي. کهکشانونه وړې او غټې ډلې جوړوي چې کهکشاني ډلې نومیږي. مثلاً د شیدولار کهکشان په سیمهییزې
ډلې(local group) پورې اړوند دی. دغه ډله دېرش غړي کهکشانونه لري چې تر ګردو ستر
یې اندرومدا سحابي کهکشان(Andromeda nebula) دي. اندرومدا کهکشان تقریباً ۴۰۰ میلیارده
ستوري لري. په همدې توګه د کهکشانونو زرګونه جزیرې شته دي. تر هغه حده چې ستر تلسکوپونه
د نړۍ اعماق کتلی شي، کهکشانونه پکې لیدل کیږي. ډیري دغه کهکشانونه میلیاردونه
نوري کلونه زموږ څخه واټن لري.
نظرات
ارسال یک نظر