ماکس پلانک

ماکس پلانک آلمانی نظري فزیکپوه او د کوانتوم میخانیک مؤسس دی. نظري فزیک ته یې ډېر کار وکا او د انرژۍکوانتونو د کشف له وجهې د نوبل جایزه ورکړل شوله. پلانک له یوې سنتي روشنفکره کورنۍ څخه و. پلرنی نیکه او غور نیکه یې په ګوتینګن کې د دینیاتو پروفیسور او یو تره یې قاضي و. ماکس پلانک په موسیقی پوهېدو سندرې او اوپِرا یې کمپوزولې، پیانو، چِلو او ارګن یې غږولی شوی. ماکس پلانک د هلم‌هولتز، کرشهوف او وایرشتراس شاګرد و. پلانک په ۱۸۸۷ کې له ماري میرک سره واده وکړ او څلور اولاده یې درلودل. ماري د توبرکلوز ناروغۍ له وجهې په ۱۹۰۹ کې مړه شوه، نو ځکه په ۱۹۱۱ کې پلانک دویم واده وکړ، له دویمې ښځې (مارګا) څخه یې یو اولاد درلود. پلانک تر ډېره د انشټین ملاتړی و او تر هغه یې د انشټین ملګری کوله تر څو چې انشټین المان پرېښود او امریکا ته ولاړ. ماکس پلانک هم د انشټین په څېر د هتلر فاشستي رژیم منتقد و او له همدې وجهې په ژوند کې ډېر وځورید.