ریچارد فاینمن

ریچارد فیلیپس فاینمن امریکايی نظري فزیکپوه و. په کوانتوم میخانیک، کوانتوم الکتروډینامیک او ذراتو فزیک کې د کار له وجهې پېژندل کیږي. فاینمن په نیویارک ښار کې د 1918 کال د مۍ په 11 زېږېدلی. فاینمن تر درې کلنۍ پورې نشوی غږېدلی. په ماساچوسِت پوهنتون کې یې په فزیک برخه کې لیسانس او په پرنسټون پوهنتون کې یې په همدې برخه کې دوکتوار ترلاسه کړه. د فاینمن مور او پلار یهود و، خو فاینمن په دین بې باوره فزیکپوه و. فاینمن د فزیک لیکچرونو پنامه د کتابونو لړۍ ولیکله چې پکې په آسانۍ فزیک توضیح شوی. فاینمن د لورنتس، انشټین او نوبل جایزې ګټلې. د کلکولس اړوند مسئلې به یې په ذهن کې حلولې، له خوبه د پاڅېدو پرمهال، د موټر چلولو پرمهال، په اتاق کې د ناستې پرمهال او په بستر کې د پرېوتو پرمهال به یې د کلکولس مسئلو باندې کار کاوه. فاینمن ښوونکو ته توصیه کوله چې خپلو زده کوونکو ته وښيئ ترڅو: شک وکړي، فکر وکړي، مفاهمه وکړي، پوښتنه وکړي، تېروتنه وکړي، له خپلو تېروتنو زده کړه وکړي او تر ټولو مهم دا چې د زده‌کړې پروسه ځانته له سرګرمیو ډکه کړي.درې ځله یې واده کړی او دوه اولادونه یې درلودل، بالاخره د 1988 کال د فیبرورۍ په 15 د کالیفرونیا په لاس‌انجلس کې ومړ.