شیخ زائد روزنتون د کندهار ولایت میرویس مینه کې دی. دغه روزنتون چې د یوه عرب شیخ په مالي ملاتړ چلیږي، نو د عصري علومو تر څنګ دینې زده کړې هم په زده کوونکو یې کوي، ان تر دې چې لباس او یونیفورم یې تر ډېره دینې مدرسې ته پاتې کیږي، خو د دیني مدرسو برخلاف زده کوونکي یې په طبیعي علومو کې دومره پوهېدل چې د افغان ستورپوهنې ټولنې له لورې د ګالیله ستورپوهنې سیالۍ کې یې ګډون کړی وو او د کندهار په کچه په دوولسو ښو لیسو کې راغلل. د دې ترڅنګ دوی تخنیکي وسایل هم جوړ کړي وو. روزنتون کې هغه یتیمان زده کړې کوي چې پلرونه یې د هیواد کورنۍ جګړو کې مړه شوي. دغه روزنتون کې سبقونه له سهاره تر وروسته له ماسپښینه دي، د غرمي ډوډۍ هم په روزنتون کې د روزنتون لخوا ورکول کیږي. د روزنتون مدیریت واقعاً د ستایلو و. پکار ده چې د معارف وزارت د دغه روزنتون مدیریت ته د مکافاتو اصل په نظر کې نیولو سره ستاینلیک ورکړي. زه د ځان لخوا یوازې دومره ورته ویلی شم، اوبه مو یخي، ډوډۍ مو توده اوسه.
نظرات
ارسال یک نظر