د ځمکې شاوخوا د سپوږمۍ تاویدل
یوازې سمندرونه نه متاثره کوي او یوازې د جزر و مد باعث نه کیږي. قارې او د ځمکې
وچه برخه هم هر ورځ 50 سانتيمتره د سپوږمۍ له وجهې ښکته او پورته
کیږي. سپوږمۍ د ځمکې اتموسفیر کې هم د هوا د فشار په تړاو جزئي حرکتونه منځته
راولي. البته په اتموسفیر که د سپوږمۍ له وجهې دغه حرکتونه ډېر واړه دي او نشي
کولی د هوا حالاتو ته بدلون ورکړي. دغه ادعا چې وايي د سپوږمۍ په مرسته د هوا
دقیقه وړاندوینه کولی شو، منطقي او علمي نه ده. موږ لا هم کله کله اورو چې سپوږمۍ
بدر (سپوږمۍ) حالت ته روانه وي، هوا ډېر بدلون نه کوي او ثابته وي، کله چې سپوږمۍ
بدر (سپوږمۍ) حالت ته راشي هوا بدلونونه کوي، او یا د سپوږمۍ هلال (وږمۍ) پرمهال
ډېر بارانونه وریږي. د دغه خبرو غلط والی له دې معلومولی شو چې سپوږمۍ خو د ځمکې
پر مخ ټولو انسانانو ته یو شان ښکاري، یعنې سپوږمۍ په عین وخت کې ټولې ځمکې ته،
بدر (سپوږمۍ) یا هلال (وږمۍ) حالت ته ځي. په دې اساس د ځمکې په ټولو برخو کې باید
د هوا حالات یو شان وی، چې عملاً داسې نه ده. مثلاً په برلین، مادرید، نیویارک او
کابل کې په عین وخت کې سپوږمۍ بشپړه (بدر) یا هلال (وږمۍ) وي. په دغه صورت کې یعنې
په عین وخت کې ممکن په آلمان کې باران ووریږي، په هسپانیه کې لمر وي، په امریکا کې
په آسمانڅکو واوره ووریږي او د کابل دارالامان نیمهوریځ حالت تجربه کړي.
نظرات
ارسال یک نظر