ان لرغوني بابلیانو، لیندۍ د میاشتو
دایرې اسماني انځور ګڼلو. دغه اسماني انځور د یوه غیشيویشتونکي په توګه ښودل
کیږي. لرغونو یونانیانو په دغه ستر اسماني انځور کې شیرون (Chiron) لیدلو.
شیرون اس ته ورته پوه انسان و چې د یونان د ډېرو اتلانو استاد ګڼل کیدا. اس ته
ورته انسانان، په واقعیت کې نیمايي انسانان او نیمايي اسان و. د یونان د افسانو له
مخې اس ته ورته انسانان ظالم، بېرحمه، او عیاش وو، خو شیرون پکې استثناء وه.
شیرون ځوانان روزل او د جګړې هنر لکه غیشيویشتل او نیزهویشتل یې ور ښودل. شیرون
هم د نورو خدایانو په څېر له منځه نه تلونکی و. یوه ورځ هرکول چې په مخکینیو
اسماني انځورونو کې یې له نوم سره اشنا شوي یو، شیرون په تصادفي او غیر عمدي ډول
په زهري نیزه سخت ټپي کړ. دغه ټپ دومره ژور و چې د شیرون ټول بدن یې په درد کړی و.
شیرون له درده د خلاصون په پار وغوښتل مړ شي. بالاخره د خدایانو خدای زئوس ومنله
او شیرون ته یې اجازه ورکړه چې مړ شي او له مړینې وروسته یې اسمان ته د اسماني
انځور په توګه پورته کړ. په اسمان کې ان دوه اسماني انځورونه چې د اس ته ورته
انسان بیلګه ده موندلی شو. د سوئلیزې نیمکرې په اسمان کې چې د شمالي نیمکرې د
خلکو لپاره د لیدو وړ نه دی، قنطوروس (Cenauri) اسماني
انځور چې له شیرون سره اړیکه لري پروت دی. لیندی د یونانیانو لپاره د ژمني ښکار
اسماني انځور په توګه ښکاریدا. دغه اسماني انځور په ډېرو ځایونو کې د ښکاري سړي په
توګه ښودل کیږي.
نظرات
ارسال یک نظر