فارمینګ

 

په بیوتکنالوژۍ علم کې فارمینګ اصطلاح له دوو برخو-درمل جوړولو او کرلو (pharming: pharmaceutical and farming) څخه جوړه شوې ده. د بوټیو او حیواناتو انجنیري د دې لپاره کیږي ترڅو ګټور درمل او کیمیاوي مواد ترې جوړ کړي. مثلاً کولی شو بوټي د جنیتیکي اړخه مهندسي کړو؛ ترڅو یې زړي په کافي اندازه انتي‌باډي او په ځانګړي توګه د انسان د بدن لپاره اړین هغه پروټین ترلاسه کړي؛ چې د سرطان، زیړي او ملاریا په وړاندې مقاومت وکړي. ډیري بزې سوداګریزو-درملیزو موخو لپاره په جنیتیکي توګه انجنیري/اصلاح شوي. له دوی د (آترین) درمل په جوړولو کې چې د وینې د خطرناک غوټه کېدو مخنیوی کوي، ګټه اخلي. د دغه درمل فعاله پروټین د بزې د شیدو له تصفیې څخه ترلاسه کیږي. ډېري هغه بوټي چې د درمل د تولید لپاره په جنیتکي توګه اصلاح شوي؛ لا هم تر څېړنې لاندې دي. له دې لارې منځته راغلی درمل په زیاته پیمانه نه دي تولید شوي او د اقتصادي موخو لپاره نه دي کاریدلي. که څه هم د دغه علم پلویان وايي چې جنیتیکي اصلاح د مهمو واکسینونو کاملاً خوندي او ارزانه لاره ده. خو منتقدین یې بیا وايي له دې چې په دغه طریقه ترلاسه شوی درمل، له طبیعي بوټو ترلاسه شوی دی، نو حتمن د چاپیریال ککړتیا او د خوړو زنځیر متاثره کړي. دا شدیداً د اندېښنې وړ ده.