د انسان فضايي سفرونه

یوري‌ګاګارین لومړی انسان دی چې د 1961 کال د اپریل د میاشتې په 12مه د شوروي اتحاد لخوا د وستوک1 فضايي‌بېړۍ په ذریعه فضا ته ولاړ او د 108 دقیقو لپاره د ځمکې په مدار کې تاوېدلو. ځمکې ته د ګاګارین بېرته راستنېدل، د انسانانو هغه اندېښنې چې ویل به یې فضا ته تګ وژونکې تجربه ده، له منځته یووړې. د ګاګارین له سفر یوه میاشت وروسته د آلن شپرد(Alan Shepard) په نامه امریکایی هم فضا ته ولاړ. د 1963 کال د جون په 16مه د والنټینا تریشکووا په نامه لومړۍ ښځه د شوروي اتحاد له لورې په وستوک6 فضايي بېړۍ کې فضا ته واستول شوه. ادعا کیږي چې د ناسا اپولو ماموریتونو په مرسته د لومړي ځل لپاره انسان د سپوږمۍ پر سطحه ګام کېښود. د روسیې فدراسیون یو فضامزلي په تاریخ کې د تر ټولو اوږد یو نفره فضايي سفر ریکارد ثبت کړی. نوموړي 438 ورځي په پرلپسې توګه (د 1994 کال له جنوري څخه د 1995 کال تر مارچ) پورې په میر (Mir) فضايي‌تمځای کې تېر کړ. د ناسا فضايي شاتل 130 ځله فضا مزلي فضا ته لیږلي. د ناسا ډیري فضايي شاتل د پرواز پرمهال انفجار کړی. د ناسا د ناکامه او په سانحه منتج فضايي سفرونو له امله 14 فضامزلي وژل شوي. عبدالاحد مومند لومړی افغان فضامزلی دی چې د 1988 کال د اګست په 29مه د روسیې له لورې فضا ته واستول شو مومند اته ورځې، شل ساعته او شپږویشت دقیقې په فضا کې و. چین درېیم هېواد دی چې په 2003 کال کې یې په خپلواکه توګه فضا ته فضامزلي واستول. اوس د ډېري هېوادونو فضامزلي په نړیوال فضايي تمځای کې ګډ ماموریتونه پرمخ وړي.